Dünyada geniş istifadə olunan mesajlaşma platforması WhatsApp Türkiyədə yeni premium abunə modelini istifadəyə verib.
Prestij.media xəbər verir ki, yeni sistem çərçivəsində istifadəçilərə aylıq 41,99 TL ödəniş qarşılığında əlavə funksiyalar təqdim olunur. Platforma ilk 30 gün üçün pulsuz sınaq imkanı da yaradır.
Premium paketə tətbiqin mövzusunun və ikonunun dəyişdirilməsi, animasiyalı stikerlər, 20-yə qədər sabitlənmiş çat, fərdi bildiriş səsləri və söhbət siyahılarının fərdiləşdirilməsi kimi funksiyalar daxildir.
Məlumata görə, yeni xidmət tamamilə könüllü əsasdadır və tətbiqin əsas pulsuz istifadəsinə təsir etmir. Sistem mərhələli şəkildə istifadəçilərə təqdim olunur.
