Göz xəstəlikləri üzrə mütəxəssis Dos. Dr. Şenay Aşık bildirib ki, körpələrdə gözyaşı kanalının tıxanıqlığı düzgün masaj tətbiqi ilə 95 faizə qədər hallarda əməliyyata ehtiyac qalmadan müalicə oluna bilər.
Mütəxəssis qeyd edib ki, doğuşdan sonra ilk həftələrdə müşahidə olunan göz sulanması və çapaqlanma çox vaxt gözyaşı kanalının anadangəlmə tıxanıqlığı ilə bağlı olur.
Onun sözlərinə görə, düzgün masaj gözyaşı kisəsində təzyiq yaradaraq kanalın açılmasına kömək edir və bu proses gündə bir neçə dəfə tətbiq edilməlidir. Hər iki göz təsirlənibsə, masaj hər iki tərəfə də edilməlidir.
Aşık əlavə edib ki, bəzi hallarda infeksiya yarandıqda antibiotikli damcı və məlhəmlərdən istifadə olunur.
Mütəxəssis bildirib ki, masajla nəticə alınmayan hallarda zondlama kimi tanınan sadə müdaxilə tətbiq edilə bilər və erkən nəzarət müalicənin uğurunu artırır.
//prestij.media
