Yay mövsümündə dəyişən gündəlik rejim və yüksək temperatur qidalanma vərdişlərinə təsir göstərir. Mütəxəssislər bu dövrdə edilən bəzi səhvlərin çəki nəzarətini çətinləşdirdiyini və müxtəlif sağlamlıq problemlərinə yol aça biləcəyini bildirir.
Qidalanma və dietologiya mütəxəssisi Beyza Topçu “az yeyərək arıqlamaq” düşüncəsinin yayda ən çox edilən səhvlərdən biri olduğunu qeyd edir. Onun sözlərinə görə, yemək atlamaq günün sonunda həddindən artıq qida qəbuluna və qan şəkərinin dalğalanmasına səbəb ola bilər.
Mütəxəssis yalnız salatla qidalanmanın da kifayət etmədiyini vurğulayır. Protein və sağlam yağlar olmadan hazırlanan salatlar uzunmüddətli toxluq yaratmır və bu da tez-tez qəlyanaltı ehtiyacını artırır.
Yay aylarında meyvə istehlakının artması da diqqət tələb edir. Karpuz, üzüm, banan və incir kimi meyvələrin həddindən artıq qəbulu gündəlik kalori balansını poza bilər.
Digər mühüm məqam isə su istehlakıdır. Susuzluğun aclıq hissi ilə qarışdırılması artıq kalori qəbuluna və halsızlığa səbəb ola bilər. Hazır içkilərin isə gizli şəkər tərkibi yüksək ola bilər.
Mütəxəssislər yay mövsümündə qidalanmanın tamamilə pozulmamasını, balanslı və davamlı rasionun qorunmasını tövsiyə edir.
//prestij.media
