Avstraliyada inşa olunan Qərbi Sidney Beynəlxalq Hava Limanının sərnişinlər üçün istifadəyə veriləcəyi tarix rəsmən elan edilib. 15 illik planlaşdırma və 7 illik tikinti mərhələsindən sonra hava limanı 25 oktyabr tarixində ilk sərnişin uçuşunu qəbul edəcək.
Məlumata görə, ilk kommersiya reysi “Jetstar” aviaşirkəti tərəfindən Qold-Kost istiqamətində həyata keçiriləcək. Hava limanında yük daşımalarına isə iyulun 26-dan başlanılacaq.
Sidney şəhərinin qərbində yerləşən yeni beynəlxalq hava limanının ilkin mərhələdə ildə 10 milyon sərnişinə xidmət göstərməsi nəzərdə tutulur.
Prestij.media xəbər verir ki, yeni hava limanı Sidney bölgəsinin hava nəqliyyatı imkanlarını əhəmiyyətli dərəcədə genişləndirəcək.
