Papa XIV Leo İspaniyanın Barselona şəhərində yerləşən məşhur Sagrada Família bazilikasını “daşların, rənglərin və işığın şah əsəri” kimi xarakterizə edib.
Prestij.Media xəbər verir ki, Papa kilsədə keçirilən mərasim və yeni qüllənin açılışı zamanı çıxış edib. Tədbir eyni zamanda memar Antoni Gaudinin vəfatının 100 illiyinə həsr olunub.
Mərasimə təxminən 120 min nəfərin qatıldığı bildirilir. Tədbir zamanı İspaniya kralı VI Felipe və kraliça Letisiya da iştirak ediblər.
Papa çıxışında Sagrada Família-nı “İspaniyanın birliyi və harmoniyasının simvolu” adlandırıb və onun tikintisini xristianların Tanrıya doğru ruhani yoluna bənzədib.
Hazırda dünyanın ən hündür kilsəsi sayılan Sagrada Família-nın tikintisinin 2035-ci ilə qədər tamamlanması planlaşdırılır.
