Boeing, gələcəkdə kosmos əsaslı kvant internet şəbəkələrinin yaradılması istiqamətində mühüm bir addım ataraq Q4S missiyası öncəsi kritik yer sınağını uğurla tamamlayıb. Şirkət mühəndisləri kvant dolaşıqlıq takası (entanglement swapping) protokolunu uğurla tətbiq edərək kosmosda işləyəcək rabitə sistemləri üçün vacib mərhələni keçiblər.
Layihə çərçivəsində hazırlanmış avadanlıq orbitdə bir il ərzində real kosmik şəraitdə sınaqdan keçiriləcək. Məqsəd, fiber-optik kabellərin məhdudiyyətlərini aşaraq qlobal miqyasda daha təhlükəsiz və sabit kvant rabitə şəbəkəsi qurmaqdır.
Mütəxəssislər bildirir ki, kvant dolaşıqlıq takası gələcək “kvant təkrarlayıcılar” vasitəsilə qitələrarası əlaqənin əsasını təşkil edə bilər. Lakin kosmik radiasiya və temperatur dəyişiklikləri kimi amillər bu texnologiyanın sabitliyini çətinləşdirir.
Boeing-in açıqlamasına görə, son testlər real kosmos missiyalarında istifadə üçün nəzərdə tutulan sistemlərin yüksək dəqiqliklə işləyə biləcəyini göstərib.
prestij.media
