Dünyanın ən quraq bölgəsi kimi tanınan Atakama səhrası (Çili) nadir təbiət hadisəsi nəticəsində çiçəklərlə örtülüb. Adətən həyatın demək olar ki, mümkün olmadığı bu ərazi yağan nadir yağışlardan sonra bir anda rəngarəng bir mənzərəyə bürünüb.
Mütəxəssislərin bildirdiyinə görə, torpağın altında illərlə “yatmış” vəziyyətdə qalan bitki toxumları yağış suyu ilə aktivləşərək eyni vaxtda cücərib. Nəticədə səhrada yüzlərlə bitki növü çiçək açıb və bölgə qısa müddətdə canlı ekosistemə çevrilib.
Alimlər bu hadisənin çox nadir baş verdiyini və yalnız müəyyən iqlim şəraitində mümkün olduğunu qeyd edir. Təbiət hadisəsi həm yerli əhali, həm də turistlər üçün möhtəşəm görüntü yaradıb.
prestij.media
