Fransada 112 mindən çox kişi üzərində aparılan genişmiqyaslı araşdırma paketli qidalarda istifadə olunan bəzi qoruyucu maddələrin yüksək təzyiq və ürək-damar xəstəlikləri riskini artırdığını ortaya qoyub.
Nüfuzlu European Heart Journal jurnalında dərc olunan tədqiqata əsasən, araşdırılan 17 qida əlavəsindən 8-i sağlamlığa mənfi təsir göstərə bilər. Bunlar arasında kalium sorbat, natrium nitrit, askorbin turşusu, limon turşusu və digər geniş istifadə olunan maddələr yer alır.
Alimlər müəyyən ediblər ki, bu əlavələri daha çox qəbul edən şəxslərdə yüksək qan təzyiqi riski 29 faiz, ürək-damar xəstəlikləri riski isə 16 faiz artır. Mütəxəssislər vətəndaşlara paketli məhsulların tərkibini diqqətlə oxumağı və mümkün qədər təbii qidalara üstünlük verməyi tövsiyə edirlər.
Prestij.media
