Instagram istifadəçiləri üçün yeni yenilik istifadəyə verilib. Artıq çoxlu şəkillərdən ibarət slayd paylaşımlarında hər foto üçün ayrı-ayrılıqda başlıq və təsvir yazmaq mümkün olacaq.
Yeni funksiyaya qədər istifadəçilər bir paylaşımda olan bütün şəkillər üçün yalnız bir ümumi təsvir əlavə edə bilirdilər. İndi isə hər görüntü öz məzmununa uyğun ayrıca izahla təqdim edilə biləcək.
Yenilik mərhələli şəkildə bütün istifadəçilərə açılır və yaxın günlərdə tam şəkildə aktiv ediləcəyi gözlənilir.
Mütəxəssislər bu dəyişikliklərin xüsusilə məhsul tanıtımları, səyahət paylaşımları və addım-addım izah tələb edən kontentlər üçün daha rahat imkan yaradacağını bildirirlər.
Prestij.media
