İtalyan astronavt Luka Parmitano 2027-ci ildə həyata keçiriləcək “Artemis III” missiyasında baş pilot vəzifəsini icra edəcək.
Prestij.media xəbər verir ki, Avropa Kosmik Agentliyinin (ESA) astronavtı olan Parmitano missiya çərçivəsində kosmik gəminin idarə edilməsində əsas rol oynayacaq.
AFP-yə müsahibəsində o bildirib ki, missiyanın menyusunda İtaliya mətbəxinə aid yeməklərin yer alacağını gözləyir. Parmitano İtalyan mətbəxinin dünya miqyasında sevilən və tanınan mətbəxlərdən biri olduğunu vurğulayıb.
2009-cu ildə ESA tərəfindən astronavt seçilən Luka Parmitano daha əvvəl Beynəlxalq Kosmik Stansiyada iki missiyada iştirak edib və bir sıra mürəkkəb açıq kosmos yürüşləri həyata keçirib.
Missiyada Parmitano komandir Rendi Bresnik ilə birlikdə çalışacaq. Heyətin digər üzvləri isə ABŞ astronavtları Andre Duqlas və Frank Rubio olacaq.
49 yaşlı astronavt bu vəzifəyə seçilməsinin onun üçün böyük qürur olduğunu bildirib və qarşıdakı missiyanın son dərəcə məsuliyyətli olduğunu qeyd edib.
Parmitanonun sözlərinə görə, NASA-nın avropalı astronavtı pilot kimi seçməsi Avropa Kosmik Agentliyinin təcrübəsinə və tərəfdaşlığına verilən yüksək dəyərin göstəricisidir.
