Son illərdə günəş şüalarına məruz qalmadan dərini qaraltmaq üçün istifadə olunan otobronzan məhsullar daha çox yayılır.
Mütəxəssislərin sözlərinə görə, bu məhsullar dərini UV şüalarına məruz qoymadan rəngləndirir və buna görə günəş altında qaralmaya nisbətən daha təhlükəsiz hesab olunur.
Əsas tərkib hissəsi olan DHA adlı maddə dərinin üst qatındakı ölü hüceyrələrlə reaksiyaya girərək müvəqqəti dərinin qaralması effekti yaradır. Bu təsir bir neçə gün davam edir və sonra tədricən yox olur.
Həkimlər bildirirlər ki, bu məhsullar ümumilikdə təhlükəsiz sayılsa da, bəzi insanlarda allergiya, qızartı və dəri qıcıqlanması yarada bilər. Eyni zamanda otobronzan vasitələr günəşdən qoruyucu funksiyaya malik deyil.
Mütəxəssislər istifadə zamanı qaydalara əməl etməyi və mütləq SPF tərkibli günəş kremlərindən istifadə etməyi tövsiyə edirlər.
prestij.media
