1996-cı ildə ABŞ-nin Arizona ştatında mühəndis Stüart Hornik eroziya problemini azaltmaq üçün qeyri-adi üsula əl atıb. O, beton bənd əvəzinə təxminən 1500 köhnə avtomobil təkərindən istifadə edərək sel sularının axınını yavaşladan qurğu inşa edib.
Təxminən 6 min dollara başa gələn qurğunun eyni ölçülü beton alternativinin isə 70 min dollara başa gələcəyi hesablanıb. Təkərlər çınqıl və plastik bağlarla birləşdirilərək suyun keçməsinə, torpaq və çöküntülərin isə bəndin arxasında toplanmasına imkan yaradacaq şəkildə quraşdırılıb.
Nəticədə ərazidə torpaq yığılmağa və bitkilər yenidən böyüməyə başlayıb. Lakin mütəxəssislər köhnə təkərlərin tərkibindəki kimyəvi maddələrin suya qarışa biləcəyini vurğulayırlar. Buna görə də bu üsulun geniş tətbiqindən əvvəl onun uzunmüddətli ekoloji təsirlərinin qiymətləndirilməsi vacibdir.
Prestij.media
