Mətbəx dolablarında və ya çanaq altındakı şkaflarda “bir gün lazım olar” düşüncəsi ilə market torbalarını saxlamaq geniş yayılıb. Lakin mütəxəssislər bildirirlər ki, düzgün şəraitdə saxlanılmayan torbalar gigiyena problemlərinə səbəb ola bilər.
Rütubətli və havasız yerlərdə uzun müddət qalan plastik torbalarda xoşagəlməz qoxu, kif və çirklənmə yarana bilər. Bu torbalar sonradan çörək, meyvə və tərəvəz saxlamaq üçün istifadə edildikdə qida təhlükəsizliyi baxımından risk yarada bilər.
Mətbəxdə təmizliyə diqqət yetirmək, çirkli və nəm torbaları təkrar istifadə etməmək, artıq torbaları isə çeşidləyərək təkrar emala vermək tövsiyə olunur. Ərzaqları saxlamaq üçün təmiz və həmin məqsədə uyğun qablaşdırmalardan istifadə etmək daha məqsədəuyğundur.
Prestij.media
