ABŞ-nin Kaliforniya ştatında yaşayan Earl Maddox 2018-ci ildə həyətində hasarı təmir edərkən torpağın altında paslanmış bir qutu tapıb. Qutudan çıxan qızıl sikkələrin ardınca metal detektoru ilə axtarış aparan kişi daha altı qutu aşkarlayıb. Ümumilikdə 7 qutuda 1612 qızıl sikkə olub.
1850–1894-cü illərdə zərb edilən sikkələrin ilkin dəyəri təxminən 12 milyon dollar qiymətləndirilib. Maddox hüquqi məsələləri araşdırdıqdan sonra mütəxəssislərə müraciət edib və xəzinənin vergiyə cəlb olunan dəyəri 5,1 milyon dollar müəyyənləşdirilib. O, vergi ödənişini qarşılamaq üçün sikkələrin bir hissəsini girov qoyaraq kredit götürüb.
Maddox sikkələri birdəfəlik satmaq əvəzinə illər ərzində hissə-hissə hərraclara çıxarıb. 2021-ci ildə nadir sikkələrdən biri 1,1 milyon dollara satılıb. O, 2022-ci ildə təxminən 850 min dollar dəyərində 12 sikkəni muzeyə bağışlayıb, təxminən 200 sikkəni isə nəvələri üçün saxlayıb. 2025-ci ilədək satışlardan təxminən 10 milyon dollar gəlir əldə etdiyi bildirilib.
Prestij.media
