Rusiya Ukraynada əsasən hava hücumundan müdafiə üçün nəzərdə tutulan S-400 sistemlərindən yer hədəflərinə zərbələr endirmək məqsədilə istifadə etməyə başlayıb. Məlumata görə, bu raketlərin uçuşunun vaxtında aşkarlana bilməməsi hava hücumundan müdafiə sistemləri ilə bağlı suallar yaradıb.
Rusiyanın S-300 və S-400 sistemlərində istifadə olunan 48N6 tipli raketləri yer hədəflərinə uyğunlaşdırdığı bildirilir. Bu addımın Rusiyaya “İsgəndər” ballistik raketlərindən əlavə hücum imkanları qazandırdığı qeyd olunur.
Hərbi ekspertlərin fikrincə, raketlərin yüksək sürətlə və aşağı hündürlükdə uçması onların radarlar vasitəsilə izlənməsini çətinləşdirir. Ukrayna və Qərb rəsmilərinin qiymətləndirməsinə görə, bəzi hallarda raketin buraxılması barədə məlumat müdafiə sistemlərinə yalnız atışdan təxminən 20 saniyə sonra çatır.
Prestij.media
