ABŞ-ın Boston şəhərində qatar və metro stansiyalarında çoxalan göyərçinlərə qarşı qeyri-adi üsul nəzərdən keçirilir. Şəhərin ictimai nəqliyyat qurumu quşları ərazidən uzaqlaşdırmaq üçün xüsusi təlim keçmiş şahin və doğanlardan istifadə etməyi planlaşdırır.
Göyərçinlərin yaratdığı çirklənmə gigiyena problemlərinə səbəb olur və nəqliyyat infrastrukturuna zərər verə bilir. İndiyədək torlardan və müxtəlif maneələrdən istifadə edilsə də, indi yırtıcı quşların təbii çəkindirici təsirindən yararlanmaq təklif olunur.
Oxşar üsul San-Fransisko körfəzində artıq 12 stansiyada tətbiq edilir. Bostonda isə təklif hələ qiymətləndirilir. Razılıq verilərsə, ilk mərhələdə sınaq layihəsinin həyata keçirilməsi gözlənilir.
Prestij.media
