Prestij.media xəbər verir ki, Braziliyada altmış ildən artıqdır dəniz eroziyası səbəbindən tədricən yox olmaq təhlükəsi ilə üzləşən Atafona bölgəsinin xilas edilməsi üçün iri layihəyə start verilib.
Federal hökumətin dəstəklədiyi layihə çərçivəsində sahil eroziyasının qarşısını almaq üçün texniki-iqtisadi və ekoloji əsaslandırma hazırlanacaq. Rəsmi məlumatlara görə, son onilliklər ərzində dəniz yüzlərlə yaşayış və kommersiya obyektini məhv edib, minlərlə insan isə evini tərk etmək məcburiyyətində qalıb.
Mütəxəssislər xəbərdarlıq edirlər ki, layihə vaxtında həyata keçirilməzsə, əsrin sonunadək bölgənin böyük hissəsi tamamilə su altında qala bilər.
