Yeni elmi araşdırma pişiklə yaşamağın uşaqlarda astma xəstəliyini pisləşdirdiyi ilə bağlı yayılmış fikrin hər zaman doğru olmadığını ortaya qoyub.
30 mindən çox uşağın iştirakı ilə aparılan tədqiqatda məlum olub ki, pişiklə yaşayan uşaqlarda astma simptomlarının şiddəti, xəstəliyin gedişi və ağciyər funksiyaları pişiksiz yaşayan uşaqlarla demək olar ki, eynidir.
Alimlər bildirirlər ki, pişik allergenlərinə təkcə evdə deyil, məktəb və ictimai nəqliyyat kimi ümumi məkanlarda da geniş şəkildə rast gəlinir. Bu səbəbdən pişiklə yaşamayan uşaqlar da bu allergenlərə məruz qala bilir.
Tədqiqat nəticələri göstərir ki, pişiklə yaşamaq astma riskini artıran əsas faktor hesab edilmir.
prestij.media
