3×3 basketbol üzrə Dünya Qadın Seriyasının Fransanın Orlean şəhərində keçirilən mərhələsinə yekun vurulub.
Azərbaycanı turnirdə təmsil edən “Neftçi” uğurlu çıxışı ilə diqqət çəkib. Komandamız 1/4 finalda İspaniya millisini 20:14, yarımfinalda isə Niderlandın “Amsterdam” klubunu 17:13 hesabı ilə məğlub edərək finala yüksəlib.
Həlledici görüşdə ev sahibi Fransa yığması ilə qarşılaşan “Neftçi” gərgin keçən mübarizədə 21:20 hesablı qələbə qazanıb.
Beləliklə, təmsilçimiz Orlean mərhələsinin qalibi olaraq növbəti uğurunu əldə edib.
