Aralıq dənizində ilk dəfə canlı nəhəng ağ köpəkbalığının görüntüsü qeydə alınıb.
Prestij.Media xəbər verir ki, Siciliya boğazında tərk edilmiş balıq torlarının təmizlənməsi əməliyyatı zamanı könüllü dalğıclar tərəfindən ağ köpəkbalığı fotoşəkillənib.
Healthy Seas Fondu, Ghost Diving və Sualtı Ərazilərin Sənədləşdirilməsi Dərnəyinin həyata keçirdiyi əməliyyat zamanı çəkilən görüntülər alimlər tərəfindən mühüm hadisə kimi qiymətləndirilib.
Qeyd edək ki, Aralıq dənizində yaşayan nəhəng ağ köpəkbalıqlarının mövcudluğu əvvəllər yalnız ölü nümunələr əsasında təsdiqlənmişdi.
