Netflix-in Los-Anceles ofisində saxlanıldığı iddia edilən filmin rəqəmsal nüsxəsinin yoxa çıxması ilə bağlı qalmaqal gündəmə gəlib.
Prestij.media xəbər verir ki, iddialara əsasən, Nikolas Keycin baş rolda oynadığı “Fortitude” filminin rəqəmsal nüsxəsi platformaya təqdim edildikdən sonra itib. Buna görə də filmin prodüserlərinin Netflix-ə qarşı 105 milyon dollarlıq təzminat iddiası qaldırdığı bildirilir.
Məlumata görə, Netflix məsuliyyəti qəbul etməyib və təhlükəsizlik prosedurlarına əməl olunmadığını irəli sürüb. Hazırda internetdə mümkün pirat yayım ehtimalı araşdırılır.
Qeyd edək ki, hadisə ilə bağlı nə Netflix, nə də rəsmi qurumlar tərəfindən iddiaları təsdiqləyən rəsmi açıqlama verilməyib.
