ABŞ və İran arasında gərginliyin artdığı bir vaxtda Hörmüz boğazında təxminən 2 milyon barel neft daşımaq gücünə malik supertankerin dəniz minasına çırpılaraq partladığı iddia olunur. İran mediasının məlumatına görə naviqasiya sistemlərini söndürərək hərəkət edən gəmidə güclü yanğın başlayıb.
İran İnqilab Keşikçiləri Korpusu hadisə ilə bağlı açıqlamasında gəminin adını və hansı ölkəyə məxsus olduğunu bildirməyib. Qurum müəyyən edilmiş marşrutları və boğazdakı təhlükəsizlik qaydalarını pozan gəmilərə qarşı tədbir görüləcəyini bəyan edib.
Hadisə Hörmüz boğazında gəmiçilik təhlükəsizliyi ilə bağlı narahatlıqları artırıb. Tankerin heyətinin vəziyyəti, eləcə də mümkün neft sızması və ətraf mühitə dəyən zərərlə bağlı məlumat açıqlanmayıb.
Prestij.media
