ABŞ-ın Vaşinqton ştatında baş verən genişmiqyaslı meşə yanğınları səbəbindən fövqəladə vəziyyət elan olunub.
Prestij.media xəbər verir ki, Spokane şəhəri yaxınlığında sürətlə yayılan yanğın nəticəsində indiyədək 2 300 dönümdən çox ərazi külə dönüb. Minlərlə ailənin təhlükəsizliyi üçün təxliyə əmri verilib.
Yanğınların söndürülməsi işlərinə dəstək məqsədilə Vaşinqton Milli Qvardiyasının şəxsi heyəti də bölgəyə cəlb olunub.
Məlumata görə, ştat ərazisində hazırda ən azı 10 iri meşə yanğını ilə mübarizə aparılır. İlin əvvəlindən bəri isə 425 min dönümdən çox ərazi yanaraq məhv olub.
