ABŞ Federal Rabitə Komissiyası (FCC) milli təhlükəsizlik üçün risk hesab edilən xarici mənşəli məhsulların siyahısını genişləndirib.
Yeni qərara əsasən, siyahıya insansı və dördayaqlı robotlar, eləcə də elektrik şəbəkələrinə inteqrasiya olunan güc invertorları daxil edilib. Bu məhsulların ABŞ-da satışı və istifadəsi ilə bağlı məhdudiyyətlərin tətbiqi nəzərdə tutulur.
Ağ Evin təşəbbüsü ilə toplanan ekspert qrupu bildirib ki, sözügedən texnologiyalar istehsal olunduğu ölkədən asılı olmayaraq ABŞ-ın milli təhlükəsizliyi üçün qəbuledilməz risklər yarada bilər.
Qərarın süni intellekt və robot texnologiyalarının sürətlə inkişaf etdiyi bir dövrdə qəbul edilməsi diqqət çəkir.
Prestij.media
