Türkiyənin Egey, Aralıq dənizi və Mərmərə bölgələrində payız yağışlarından sonra təbii şəkildə yetişən çıntar göbələyi bazarlarda satışa çıxarılıb. Şam meşələrində, nəmli torpaqda bitən bu göbələk yerli sakinlərin və alıcıların marağına səbəb olub.
Çıntar göbələyinin yerli bazarlarda bir kiloqramı 250–500 türk lirəsinə, internet üzərindən sifarişlə göndərilən məhsullar isə 500–750 lirəyə təklif olunur. Mövsümün əvvəlində məhsulun az olması qiymətlərin yüksək qalmasına səbəb kimi göstərilir.
Mütəxəssislər yabanı göbələkləri toplayarkən diqqətli olmağa çağırırlar. Çünki bəzi zəhərli göbələk növləri yeməli növlərə çox bənzəyə bilər. Yalnız mütəxəssislər tərəfindən müəyyən edilmiş və etibarlı mənbələrdən əldə olunan göbələklərin istehlakı tövsiyə edilir.
Prestij.media
