Dünyanın ən böyük neft şirkətlərindən biri olan Səudiyyə Ərəbistanının “Saudi Aramco” şirkəti qlobal neft təchizatındakı çətinliklərlə bağlı xəbərdarlıq edib. Şirkətin baş icraçı direktoru Amin Nasser kommersiya neft ehtiyatlarının kritik səviyyəyə düşdüyünü və onların əvvəlki səviyyəyə qayıtmasının iki il çəkə biləcəyini bildirib.
Nasser Hörmüz boğazındakı qeyri-müəyyənliyin enerji bazarına təzyiqi artırdığını vurğulayıb. Şirkət alternativ ixrac marşrutlarını və xaricdə saxlama imkanlarını genişləndirməyi nəzərdən keçirir.
Qlobal neft təchizatındakı problemlər neft idxalından asılı olan Türkiyədə də benzin və dizelin qiymətinə təsir göstərə bilər. Lakin qiymətlərin nə qədər dəyişəcəyi dünya bazarındakı vəziyyətdən və valyuta məzənnələrindən asılı olacaq.
Prestij.media
