Cibuti sahillərində Yəmənə getməyə çalışan 305 qeyri-qanuni miqrantı daşıyan qayığın batması faciə ilə nəticələnib. Beynəlxalq Miqrasiya Təşkilatının məlumatına görə hadisə oktyabrın 8-dən 9-na keçən gecə Obok şəhərinin şimalında baş verib. Ölənlər arasında 15 uşaq da var.
Məlumata əsasən 80 nəfər sağ xilas edilib. Dənizdən 109 nəfərin meyiti çıxarılıb, 116 nəfər isə itkin düşüb. Xilas edilənlərə sığınacaq, qida, tibbi və psixoloji dəstək göstərilir.
Təşkilat hadisənin Afrika Buynuzundan Körfəz ölkələrinə uzanan təhlükəli miqrasiya marşrutunda insanların üzləşdiyi riskləri bir daha göstərdiyini bildirib. Cibuti hakimiyyəti itkin düşənlərin tapılması üçün axtarış-xilasetmə işlərini davam etdirir.
Prestij.media
