Türkiyənin Kocaeli vilayətinin Körfəz rayonunda su təmizləyici qurğunun ərazisində aparılan qazıntı işləri zamanı ekskavator yeraltı təbii qaz xəttinə zərər verib.
Nəticədə güclü partlayış səsi eşidilib və qaz ətrafa yayılıb. Hadisədən sonra yaxınlıqdakı zavodların giriş-çıxışları bağlanıb, ərazi təhlükəsizlik zolağına alınıb.
Əraziyə AFAD, yanğınsöndürən, polis və qaz təsərrüfatı əməkdaşları cəlb olunub. Qaz axını dayandırıldıqdan sonra vəziyyət nəzarətə götürülüb.
Hadisə zamanı xəsarət alan olmayıb. Faktla bağlı araşdırma aparılır.
Prestij Media
