2026-cı il FIFA Dünya Çempionatının D qrupunda keçirilən Türkiyə – Paraqvay qarşılaşmasında yeni qırmızı vərəqə qaydası ilk dəfə tətbiq edilib.
San Fransisko Körfəz Bölgəsi Stadionunda baş tutan oyunun ilk hissəsində Paraqvay millisinin futbolçusu Almironun Türkiyə yığmasının müdafiəçisi Mert Müldürün ağzını əli ilə örtərək ona nəsə dediyi müşahidə olunub.
Hadisədən sonra Mert Müldür baş hakim İvan Bartona etiraz edib. Epizod VAR sistemi vasitəsilə yenidən nəzərdən keçirilib. Baxışdan sonra hakim meydançaya qayıdaraq Almirona matçın 45+3-cü dəqiqəsində birbaşa qırmızı vərəqə göstərib.
Beləliklə, 2026-cı il Dünya Çempionatında qüvvəyə minən yeni qayda ilk dəfə Türkiyə – Paraqvay oyununda tətbiq olunub.
Yeni qayda nəyi nəzərdə tutur?
Yeni qaydaya əsasən, futbolçunun rəqibi və ya hakimlə mübahisə zamanı dediklərini gizlətmək məqsədilə əl, qol və ya formasından istifadə edərək ağzını örtməsi birbaşa qırmızı vərəqə ilə cəzalandırılır.
Prestij.media
