Qazaxıstanın Pavlodar şəhərində bir qadının çantasındakı portativ enerji yığma cihazı (powerbank) qəfil partlayıb.
Hadisə idman zalında baş verib və təhlükəsizlik kameraları tərəfindən anbaan qeydə alınıb. Görüntülərdə çantadan əvvəl tüstü çıxdığı, daha sonra isə partlayış baş verdiyi və qadının alovlar arasında qaldığı görünür.
Qadın çantasını yerə ataraq alovdan xilas olmağa çalışıb, zalın əməkdaşları isə dərhal müdaxilə edərək yanğını söndürüblər.
Məlumata görə, qadının saçları yanıb və bədənində müxtəlif dərəcəli yanıq xəsarətləri yaranıb. Lakin onun ümumi vəziyyətinin stabil olduğu bildirilir.
prestij.media
