Hind okeanının cənub-şərqində yerləşən Diamantina bölgəsində dünyanın ən dərin və ən geniş balina qəbiristanlığı aşkarlanıb.
Prestij.Media xəbər verir ki, İtaliya, Çin və Yeni Zelandiyadan olan alimlər 32 sualtı eniş zamanı 485 balina fosili sahəsi və beş balina cəsədi müəyyən ediblər. Tapıntılar dəniz səviyyəsindən təxminən 7 min metr dərinlikdə yerləşir.
Araşdırma zamanı yaşı 5 milyondan çox olan fosillər, o cümlədən nəsli kəsilmiş və elm üçün yeni müəyyən edilən balina növlərinə aid qalıqlar aşkar olunub.
Alimlər bölgənin təxminən 1200 kilometr uzunluğunda “balina çöküşü super dəhlizi” təşkil edə biləcəyini bildirirlər.
