İstanbulda evdə 42 ilan aşkarlandı – qanunsuz saxlanılan heyvanlar müsadirə edilib
Türkiyənin İstanbul şəhərinin Çatalca rayonunda bir evdə qanunsuz şəkildə saxlanılan 42 ilan aşkar edilib.
Məlumata görə, polis və Doğa Koruma əməkdaşlarının keçirdiyi əməliyyat şikayət əsasında həyata keçirilib. Yoxlama zamanı evdə icazəsiz saxlanılan müxtəlif növ ilanlar müəyyən olunub.
Aparılan araşdırma nəticəsində 18 piton, 21 Misir ilanı və 3 kral ilanı olmaqla ümumilikdə 42 ilan aşkar edilərək müsadirə olunub.
İlanlar dövlət nəzarətinə götürülüb, onları qanunsuz saxlayan şəxs barəsində inzibati qaydada cərimə tətbiq edilib.
Hadisə ilə bağlı araşdırmalar davam edir.
Prestij.media
