Rusiyanın yeganə təyyarədaşıyan gəmisi olan “Admiral Kuznetsov”un taleyi ilə bağlı yekun qərarın yaxın vaxtlarda veriləcəyi gözlənilir. Mütəxəssislər gəminin yenidən istismara qaytarılmasının çətin olduğunu bildirirlər.
Təxminən doqquz ildir davam edən modernləşdirmə işləri qəzalar, yanğınlar və korrupsiya iddiaları səbəbindən dəfələrlə yarımçıq qalıb. Bu müddətdə layihəyə ümumilikdə bir milyard dollara yaxın vəsait xərclənsə də, gəmi hələ də istifadəyə yararlı vəziyyətə gətirilməyib.
Mütəxəssislərin fikrincə, gəminin texniki vəziyyəti onun satışını da çətinləşdirir. Buna görə ən real variantın “Admiral Kuznetsov”un istismardan çıxarılaraq metal qırıntısı kimi utilizasiya edilməsi olduğu bildirilir. Bu qərar qəbul olunarsa, Rusiya ilk dəfə aktiv xidmətdə olan təyyarədaşıyan gəmiyə sahib olmayacaq.
Prestij.media
