Göz xəstəlikləri üzrə mütəxəssis bildirib ki, gün eynəyi yalnız estetik aksesuar deyil, gözləri zərərli UV şüalarından qoruyan vacib vasitədir. Onun sözlərinə görə, avtomobil idarə edərkən xüsusilə 4-cü kateqoriya tünd şüşəli gün eynəklərindən istifadə tövsiyə olunmur, çünki bu, görmə qabiliyyətini zəiflədə bilər.
Mütəxəssis qeyd edib ki, tünd rəngli şüşə hər zaman daha yaxşı qoruma demək deyil. UV filtri olmayan tünd şüşələr göz bəbəyini böyütdüyü üçün göz daha çox zərərli şüaya məruz qala bilər. Buna görə də gün eynəyi seçərkən əsas meyar UV qoruması olmalıdır.
Həmçinin vurğulanıb ki, ilin bütün fəsillərində eyni gün eynəyindən istifadə etmək düzgün deyil. İşıq şəraitinə və iqlimə uyğun şüşə kateqoriyası seçilməsi həm göz sağlamlığı, həm də təhlükəsiz sürücülük üçün böyük əhəmiyyət daşıyır.
Prestij.media
