İsrailin hakim siyasi qüvvəsi olan “Likud” partiyası ölkənin hazırkı Baş naziri Benyamin Netanyahunun növbəti parlament seçkilərində iştirak edəcəyini bəyan edib.
Prestij.media xəbər verir ki, partiya rəhbərliyinin yaydığı açıqlamada Benyamin Netanyahunun qarşıdakı seçkilərdə yenidən deputatlığa namizəd olacağı bildirilib.
Məlumata görə, İsraildə növbəti parlament seçkilərinin qanunvericiliyə uyğun olaraq 2026-cı il oktyabrın 27-dək keçirilməsi nəzərdə tutulur. Bununla belə, siyasi proseslərin gedişindən asılı olaraq səsvermənin daha erkən tarixdə – sentyabr və ya oktyabr aylarında təşkili də mümkündür.
Qeyd edək ki, uzun illərdir İsrail siyasətinin əsas fiqurlarından biri hesab olunan Benyamin Netanyahunun yenidən seçkilərə qatılması ölkənin siyasi gündəmində mühüm hadisələrdən biri kimi qiymətləndirilir.
