Prestij.media xəbər verir ki, ABŞ-da fəaliyyət göstərən süni intellekt şirkəti Lemonlime işə qəbul kampaniyası zamanı namizədlərə şirkətin loqosunu bədənlərinə döymə etdirmələri qarşılığında müsahibəyə dəvət olunmaq imkanı təqdim edib. Təklifdən sonra 7 nəfər loqonu döydürüb.
Qərar sosial mediada və ictimaiyyət arasında ciddi narazılıq yaradıb. Tənqidlərdə iş axtaran şəxslərin işə qəbul olunmaq ümidi ilə bədənlərində qalıcı dəyişiklik etməyə məcbur edilməsinin etik olmadığı bildirilib.
Şirkətin baş direktoru Jordan Zietz artan reaksiyalardan sonra geri addım ataraq yanaşmanın düzgün olmadığını qəbul edib. Lemonlime həmçinin döyməsini sildirmək istəyən 7 şəxsin lazer və digər silinmə xərclərini qarşılayacağını açıqlayıb.
