Hindistan Hərbi Hava Qüvvələrinə məxsus “AN-32” tipli hərbi-nəqliyyat təyyarəsi Assam ştatında qəzaya uğrayıb. Hadisə Jorhat şəhəri yaxınlığındakı hərbi hava bazasına eniş zamanı baş verib.
Məlumata görə, təyyarə yerə çırpıldıqdan sonra alovlanıb. Qəza nəticəsində təyyarədə olan 5 hərbçi həyatını itirib.
Hadisə yerinə cəlb olunan xilasedici qruplar yanğını söndürərək ərazidə təhlükəsizlik tədbirləri həyata keçiriblər. Qəzanın səbəbi hələlik açıqlanmasa da, faktla bağlı araşdırma aparılır.
Qeyd edək ki, “AN-32” təyyarələri əsasən hərbi yüklərin və texniki avadanlıqların daşınması üçün istifadə olunur.
//Prestij.media
