ABŞ-ın Havay adalarında yerləşən təxminən 27 metr hündürlüyündə Hōlei dəniz tağı çöküb. Sakit okeanın dalğalarının vulkanik qayaları uzun illər aşındırması nəticəsində yaranan bu təbii quruluş bölgənin tanınmış görməli yerlərindən biri idi.
Çökmədən sonra ərazidə qayalı sahil və dənizə tökülmüş daş parçaları qalıb. Təbiət möcüzəsini hər il çoxsaylı turist ziyarət edir və fotoşəkillər çəkdirirdi.
Mütəxəssislər tağın dəqiq nə vaxt və hansı hadisənin təsiri ilə çökdüyünü hələ müəyyənləşdirməyiblər. Bildirilir ki, okean dalğalarının davamlı aşındırması bu cür təbii quruluşları zamanla zəiflədir.
Prestij.media
