Gümüş zinət əşyaları zamanla qaralaraq əvvəlki parlaqlığını itirə bilir. Lakin ev şəraitində tətbiq edilən bir neçə sadə üsulla gümüşü yenidən parlaq görkəminə qaytarmaq mümkündür.
Mütəxəssislərin və praktik üsulların göstərdiyi yollar arasında sirkə, karbonat və diş məcunu ilə təmizləmə ən çox istifadə olunan metodlardandır.
Sirkə və karbonat üsulunda qaynar suya az miqdarda sirkə və karbonat əlavə edilir, daha sonra gümüş əşyalar bu məhlulda bir müddət saxlanılır. Bu proses qaralmış səthin təmizlənməsinə kömək edir.
Karbonatla birbaşa ovma üsulu da geniş istifadə olunur. Karbonat az miqdarda su ilə qarışdırılaraq yumşaq parça vasitəsilə gümüşün üzərinə tətbiq edilir və daha sonra yaxalanır.
Digər bir üsul isə diş məcunu ilə təmizləmədir. Yumşaq parça üzərinə diş məcunu çəkilərək gümüş səthləri ovulur və sonra ilıq su ilə yuyulur.
Mütəxəssislər bu üsulların müntəzəm və diqqətli şəkildə tətbiq olunmasının gümüşlərin uzun müddət parlaq qalmasına kömək etdiyini bildirirlər.
//Prestij.media
