BMT Baş Assambleyasının dünya xəritələrində ərazilərin ölçülərinin daha düzgün göstərilməsi ilə bağlı qərar qəbul etdiyi bildirilir. Təqdim olunan məlumata görə 164 ölkə təşəbbüsü dəstəkləyib ABŞ əleyhinə səs verib. Estoniya Gürcüstan Litva Moldova Serbiya və Ukrayna isə bitərəf qalıb.
1569-cu ildə Gerardus Merkator tərəfindən yaradılan xəritə proyeksiyası dənizçilikdə istiqamət müəyyənləşdirmək üçün əlverişli olsa da qütblərə yaxın əraziləri olduğundan böyük göstərir. Məsələn Afrika təxminən 30,4 milyon kvadratkilometr sahəyə malikdir və Qrenlandiyadan təxminən 14 dəfə böyükdür. Lakin ənənəvi xəritələrdə bu fərq aydın görünmür.
Xəbərdə qeyd olunur ki Equal Earth adlı xəritə modeli qitələrin sahələrini daha düzgün müqayisə etməyə imkan verir. Qərar hüquqi baxımdan məcburi olmasa da təhsil və media sahələrində yeni modeldən istifadəyə çağırış edilir. Google Maps və Apple Maps kimi rəqəmsal platformaların isə yaxın müddətdə xəritə sistemini dəyişməsi gözlənilmir.
Prestij.media
