Amerika Birləşmiş Ştatlarının Vaşinqton ştatında dəniz piyadalarına məxsus qırıcı təyyarə qəzadan sonra yerə çırpılıb.
“Prestij.media” xarici mediaya istinadən xəbər verir ki, hadisə “F/A-18 Hornet” tipli hərbi qırıcının təlim uçuşu zamanı qeydə alınıb. Kaliforniyadakı “Miramar” dəniz piyadaları korpusunun aviabazasına təhkim olunmuş təyyarənin meşəlik zonaya düşməsi nəticəsində ərazidə güclü yanğın başlayıb.
İlkin məlumatlara görə, qırıcının pilotu katapult edərək sağ qalmağı bacarıb. Onun yüngül xəsarətlərlə xilas olduğu bildirilir. Hazırda ABŞ-nin müvafiq hüquq-mühafizə və hərbi strukturları qəzanın başvermə səbəblərini müəyyənləşdirmək üçün genişmiqyaslı araşdırmalara başlayıb.
