Avstraliyanın Kvinslend ştatında yerləşən Ledi Elliot adası uzun illər davam edən bərpa işlərindən sonra yenidən yaşıllığa qovuşub. Vaxtilə bitki örtüyünün böyük hissəsini itirən ada indi minlərlə dəniz quşuna ev sahibliyi edir.
Adanın bərpasına 1960-cı illərdə Don və Moya Adams cütlüyü başlayıb. Daha sonra Qeş ailəsi bu işi davam etdirib. Nəsillər boyu sürən çalışmalar nəticəsində adada 20 mindən çox bitki əkilib.
Bərpa işləri sayəsində adanın təxminən 70 faizində təbii bitki örtüyü yenidən formalaşıb. Vaxtilə mədənçilik fəaliyyəti nəticəsində ciddi zərər görən ərazi bu gün zəngin təbiəti ilə seçilir.
Prestij.media
