Çinin maliyyə və ticarət mərkəzləri olan Şanxay və Honkonq qlobal istiləşmə səbəbindən dəniz səviyyəsinin yüksəlməsi riskləri ilə qarşılaşır. Məqalədə qeyd olunur ki, Antarktida buzlaqlarının əriməsi nəticəsində bu ərazilərdə dəniz səviyyəsinin artımı qlobal orta göstəricidən 15–20 faiz yüksək ola bilər.
Alimlərin fikrincə, Antarktida buz kütlələrinin azalması okean sularının paylanmasına təsir göstərərək Çinin sıx məskunlaşmış sahillərində su basqını riskini artıra bilər. Bu isə iri sənaye müəssisələri, maliyyə mərkəzləri və infrastruktur üçün ciddi iqtisadi təhlükələr yaradır.
Mütəxəssislər dəniz səviyyəsinin yüksəlməsinin uzunmüddətli nəticələrinə qarşı sahil müdafiə sistemlərinin gücləndirilməsinin vacibliyini vurğulayırlar. Bununla belə, konkret şəhərlərin nə vaxt su altında qalacağı barədə qəti nəticə çıxarmaq üçün risk qiymətləndirmələrinin detalları nəzərə alınmalıdır.
Prestij.media
