Gənclər və idman naziri Fərid Qayıbov sentyabr ayında beynəlxalq yarışlarda yüksək nəticələr göstərən Azərbaycan idmançıları ilə görüşüb.
Azərbaycan İdman Akademiyasında keçirilən görüşdə “Azərbaycan Respublikasının İdman ustası” adına layiq görülən şəxslərə vəsiqə və döş nişanları təqdim olunub. Nazir bildirib ki, sentyabr ayında Azərbaycanın Dövlət Himni 16 ölkədə səsləndirilib. İdmançılarımız ümumilikdə 72 qızıl, 48 gümüş və 71 bürünc medal qazanıblar.
Prestij.media xəbər verir ki, görüşdə idmançıların beynəlxalq yarışlardakı nəticələri barədə məlumat verilib və onların uğurlarını əks etdirən videoçarx nümayiş olunub. Fərid Qayıbov idmançıları və məşqçiləri təbrik edərək qarşıdakı yarışlarda yeni qələbələr arzulayıb.
