Səudiyyə Ərəbistanının Kral Abdullah Elm və Texnologiya Universitetinin (KAUST) alimləri elektrik enerjisi olmadan işləyən yeni soyutma sistemi hazırlayıblar. “Nescod” adlandırılan sistem ammonium nitrat duzu və günəş enerjisindən istifadə etməklə otağın temperaturunu cəmi 20 dəqiqəyə 25°C-dən 3,6°C-yə endirə bilir.
Alimlərin sözlərinə görə, sistemin əsas üstünlüyü elektrik şəbəkəsinə ehtiyac duymamasıdır. Soyutma prosesi başa çatdıqdan sonra günəş enerjisi vasitəsilə maddə yenidən bərpa olunur və təkrar istifadə edilə bilir.
Mütəxəssislər hesab edirlər ki, bu texnologiya gələcəkdə elektrik infrastrukturunun zəif olduğu bölgələrdə binaların soyudulması, qida məhsullarının saxlanılması və istiliyə həssas materialların mühafizəsində geniş tətbiq oluna bilər.
Prestij.media
