Kadir İnanır 77 yaşında vəfat edib. Türk kinosunun əfsanəvi simalarından olan sənətçi bir aydan artıq idi ki, xəstəxananın reanimasiya şöbəsində müalicə alırdı.
Məlumata görə, Kadir İnanır mayın 14-də səhhətində yaranan problemlə əlaqədar xəstəxanaya yerləşdirilmiş, ona sətəlcəm diaqnozu qoyulmuşdu. Vəziyyəti ağırlaşdıqdan sonra mayın 21-də süni tənəffüs aparatına qoşularaq reanimasiya şöbəsində müalicəsi davam etdirilirdi.
Sənətçinin həyat yoldaşı Jülide Kural daha əvvəl açıqlamasında onun ağciyərində sətəlcəmlə yanaşı şiş aşkarlandığını bildirmişdi. Onun sözlərinə görə, həkimlərin daha rahat müdaxilə etməsi və müalicənin nəzarət altında aparılması üçün aktyor intubasiya olunmuşdu.
Kadir İnanır uzun illər ərzində canlandırdığı yaddaqalan obrazlarla Türk kinosunda silinməz iz qoyub və milyonlarla tamaşaçının sevgisini qazanıb.
Prestij.media
