İngiltərədə bir kolleksiyaçının cəmi 15 dollara aldığı sınıq və qapaqsız çaydanın tarixi əhəmiyyəti üzə çıxıb. Amerikada istehsal edilən ən qədim çini nümunələrindən biri olduğu müəyyənləşdirilən əşya hərracda təxminən 775 min dollara satılıb.
2016-cı ildə alınan çaydan əvvəlcə İngiltərə istehsalı hesab edilsə də, mütəxəssislərin araşdırması onun 1765–1769-cu illərdə ABŞ-ın Cənubi Karolina ştatında hazırlandığını göstərib. Əsərin dulusçu Con Bartlamın emalatxanasına aid olduğu müəyyənləşdirilib.
Nadir tarixi nümunə olduğu təsdiqlənən çaydan Nyu-Yorkdakı Metropolitan İncəsənət Muzeyi üçün alınıb. Hazırda muzeyin kolleksiyasında nümayiş etdirilir.
Prestij.media
