ABŞ Hərbi Dəniz Qüvvələrinə məxsus 100 min tondan çox ağırlığa malik USS George Washington təyyarədaşıyan gəmisi Yaxın Şərqdəki qüvvələrin rotasiyası üçün yola çıxıb.
335 metr uzunluğundakı gəmi 250 gündən artıqdır bölgədə xidmət edən USS Abraham Lincolnun yerinə göndərilir. Gəmiyə bir kreyser və bir esminesdən ibarət müşayiət qrupu da qoşulub. Bu dəyişikliklə ABŞ bölgədəki hərbi mövcudluğunu fasiləsiz davam etdirməyi planlaşdırır.
1992-ci ildə xidmətə başlayan USS George Washington təxminən 5 min hərbçiyə ev sahibliyi edir. Gəmi F/A-18 və F-35 qırıcıları, elektron müharibə təyyarələri, erkən xəbərdarlıq sistemləri və helikopterlər sayəsində dənizdə hərbi hava bazası kimi fəaliyyət göstərə bilir.
Prestij.media
