ABŞ-nin Kaliforniya ştatında dəniz suyunun temperaturunun yüksəlməsi tropik sularda yaşayan bəzi canlıların bölgəyə gəlməsinə səbəb olub. Sahillərdə zəhərli sarıqarın dəniz ilanlarının, balina köpəkbalıqlarının və çəkicbaş köpəkbalıqlarının müşahidə edildiyi bildirilib.
Kristal Kouv sahilində gəzən bir ailə nadir hallarda rast gəlinən sarıqarın dəniz ilanı ilə qarşılaşıb. Güclü zəhərə malik bu ilanlar adətən açıq dənizdə yaşayır. Mütəxəssislər belə ilanlarla qarşılaşdıqda onlara toxunmamağı və aidiyyəti qurumlara məlumat verməyi tövsiyə edirlər.
Alimlər dəyişiklikləri Sakit okeanda suyun istiləşməsi və El-Ninyo iqlim hadisəsi ilə əlaqələndirirlər. Kaliforniya sahillərində uçan balıqların və dəniz tısbağalarının da müşahidə edildiyi qeyd olunur. Bununla belə, tropik növlərin bölgədə görünməsi onların burada daimi məskunlaşdığı anlamına gəlmir.
Prestij.media
