Perunun And dağlarındakı dumanlı meşələrdə qızılı sarı rəngi ilə seçilən yeni qurbağa növü aşkarlanıb. Gastrotheca amaru adlandırılan növ dəniz səviyyəsindən 2590 metr yüksəklikdə, Huankavelika bölgəsindəki qorunan ərazidə qeydə alınıb.
Təxminən 3,6 santimetr uzunluğunda olan erkək qurbağalar rəngi, hamar dərisi və fərqli baş quruluşu ilə seçilir. Bu növün daha bir qeyri-adi xüsusiyyəti çoxalma üsuludur: dişilər yumurtalarını kürəklərindəki xüsusi kisədə daşıyaraq inkişafını təmin edirlər.
Araşdırma zamanı bölgədə daha iki amfibiya növünün də mövcudluğu ilk dəfə qeydə alınıb. Alimlər ərazinin hələ öyrənilməmiş canlı növlərinə ev sahibliyi edə biləcəyini bildirirlər. Bununla yanaşı, kənd təsərrüfatı, meşə yanğınları və heyvan otarılması təbii mühit üçün təhlükə yaradır.
Prestij.media
